Presidenti palestinez Mahmoud Abbas është gati të rindërtojë bisedimet e paqes me ish-kryeministrin izraelit Ehud Olmert, nga pozicioni që ata ishin para dhjetë vjetësh.
Duke folur në një konferencë të përbashkët shtypi me Olmert në New York, pas një seance të Këshillit të Sigurimit të Kombeve të Bashkuara, Abbas tha se e ashtuquajtura “Marrëveshje Shekulli” e presidenti Trump, nuk do të sillte as paqe as stabilitet në Lindjen e Mesme.
Plani i Trump nuk duket se plotëson as kërkesat më themelore palestineze për një paqe gjithëpërfshirëse me Izraelin, duke përfshirë edhe të drejtën e refugjatëve palestinezë për t’u kthyer nga shtëpitë e tyre gjatë konfliktit, prej ku janë dëbuar.
“Unë jam plotësisht i përgatitur për të vazhduar negociatat me ju, Z. Olmert, nën kujdesin e kuartetit ndërkombëtar, jo në bazë të një plani aneksimi dhe legalizimin e vendbanimeve dhe shkatërrimin e zgjidhjes dy-shtetërore”, theksoi Abbas.
“Abbas është një njeri i paqes. Ai është kundër terrorit. Prandaj, ai është partneri i vetëm me të cilin mund të bisedojmë “, tha Olmert.
Sidoqoftë, ai nuk pranoi të kritikojë planin e Trump, duke shfaqur dhe në këtë rast dinakërinë e tij tipike izraelite.
Olmert zhvilloi një seri bisedimesh paqeje me Abbas-in në 2008, kur ai u bë kryeministër i Izraelit. Sidoqoftë, negociatat dështuan mes problemeve juridike të hasura nga Olmert dhe operacioneve izraelite në Rripin e Gazës. /tesheshi.com/
