Kryeministrja rumune Viorica Dancila shkarkoi ministren e Arsimit Ecaterina Andronescu, për shkak të një deklarate të kësaj të fundit për rastin e një vajze të rrëmbyer e më pas të ekzekutuar.
Dancila shkroi në Facebook se pikëpamjet e Andronescut pasqyronin një “qëndrim të papërgjegjshëm” dhe “mungesë të mirëkuptimit” në lidhje me 15-vjeçaren e rrëmbyer me fund tragjik.
Ish-ministrja tha në një shfaqje televizive më herët se ajo ishte “mësuar që në shtëpi (nga edukata familjare), që të mos hipte në një makinë me të huaj”.
Por më vonë, nga reagimet e shumta të publikut, Andronescu tha se nuk ka dashtur që të fajësojë viktimën ose prindërit e saj, raporton AP.
Vrasja e fundit e Alexandra Macesana, 15 vjeçe, ka provokuar zemërim publik pasi policia nuk arriti të përgjigjet me kohë pas telefonatave të saj se ishte rrëmbyer.
Ajo u gjet e pajetë në shtëpinë një burri që e kishte rrëmbyer pas orës 7 të mëngjesit.
Më vonë u zbulua se i njëjti person vrau edhe një vajzë 18-vjeçare, e cila u zhduk në prill të këtij viti. /tesheshi.com/
