Policia në Rusi ka arrestuar një burrë të dehur, i cili u përpoq të vidhte trupin e balsamosur të Vladimir Leninit nga mauzoleumi në Sheshin e Kuq, sipas agjencisë shtetërore ruse të lajmeve TASS.
“Ngjarja ka ndodhur mbrëmjen e 6 shkurtit. Një burrë është arrestuar pasi u përpoq të hynte në mauzoleumin ku shtrihej trupi i Vladimir Leninit dhe ta hiqte atë. Më vonë u konstatua se burri ishte i dehur”, konfirmoi një burim policor.
Sipas tij, në vendngjarje është thirrur një ambulancë. Mjekët përcaktuan se burri kishte një çrregullim psikiatrik të shkaktuar nga alkooli.
I arrestuari nuk ka mundur të shpjegojë se cilat ishin motivet e tij. /tesheshi.com/
