Lëvizja Huthi e Jemenit ka sulmuar aeroportin civil Abha në Arabinë Saudite, duke lënë të pajetë një person dhe duke shkaktuar plagë te shtatë të tjerë, bëjnë me dije autoritetet saudite.
Televizioni Al-Masirah, i drejtuar nga Huthi, ka deklaruar se lëvizja e mbështetur nga Irani ka goditur me dron aeroportin Abha në jug të mbretërisë.
Aeroporti gjendet rreth 200 km në veri të kufirit të Jemenit dhe u shërben atyre që qasen në rrugët e brendshme dhe ato rajonale. Televizioni shtetëror saudit tha se fluturimet kishin rifilluar në aeroport dhe gjithçka po funksiononin normalisht.
Huthitë kanë rritur sulmet me raketa në qytetet saudite gjatë muajit të kaluar, si pasojë e rritjes së tensionit mes Iranit dhe shteteve të Gjirit të Arabisë aleate në Shtetet e Bashkuara.
Riadi ka akuzuar Iranin për furnizimin e huthinjve me armë, gjë të cilën këta të fundit e mohojnë. /tesheshi.com/
