Mediat hungareze njoftojnë se Gjykata e Budapestit ka refuzuar kërkesën e bërë nga Maqedonia Veriore për të ekstraduar ish-kryeministrin Nikolla Gruevski.
Gruevski, i cili aktualisht po jeton me statusin e azilantit në Budapest, akuzohet si orkestruesi i sulmit të 27 prillit në parlament, ku u sulmuan dhe figura politike shqiptare.
Përveç tjerash, ai tashme është i dënuar me burg 2 vite burg për blerjen e një Mercedesi luksoz me para të shtetit (600.000 euro), rast që njihet ndryshe si “Dosja Tanku”.
Sipas mediave hungareze, të cilët nuk kishin qenë prezente gjatë seancës gjyqësore pasi nuk ishte e hapur për publikun, nuk ka mundur të dëgjojë aktvendimi se kush ka votuar pro dhe kundër ekstradimit të tij.
Gruevski megjithatë u pa duke shëtitur në korridoret e gjykatës me një stil të relaksuar, me kapele dhe syze. Ai në duar mbante sako, e që dyshohet se nën to ishin prangat, të cilat ai me çdo kusht dëshiron t’i shmang. /tesheshi.com/
