Armenia njoftoi sot se më shumë se 2,300 ushtarë të saj u vranë në konfliktin për kontrollin mbi Nago-Karabakun, i cili përfundoi me marrëveshjen e paqes, e cila njohu fitoren e forcave azerbajxhanase.
“Në këtë moment, trupat e 2,317 ushtarëve të vrarë, duke përfshirë trupa të paidentifikuar, u morën nga shërbimi mjeko-ligjor,” shkroi zëdhënësja e Ministrisë së Shëndetësisë armene, Alina Kikokgosian në Facebook
Ajo tha se procesi i shkëmbimit të trupave me Azerbajxhanin sapo ka filluar dhe se palët ndërluftuese nuk kanë shifrat përfundimtare për tani.
Autoritetet armene kanë thënë deri më tani se 1,339 ushtarë dhe 50 civilë u vranë në luftimet që filluan në fund të shtatorit në Nago-Karabak.
Putini pretendon se ka mbi 4,000 viktima
Azerbajxhani nuk raportoi humbjet e tij ushtarake, duke deklaruar vetëm se 93 civilë u vranë.
Më parë gjatë javës, Armenia dhe Azerbajxhani nënshkruan një armëpushim nën kujdesin e Rusisë, duke i dhënë fund konfliktit në Nago-Karabak.
Teksti pranon përparimin e konsiderueshëm territorial të Azerbajxhanit dhe parashikon kthimin e territoreve shtesë në Baku.
Sipas marrëveshjes, paqeruajtësit rusë janë vendosur në zonën e konfliktit këtë javë.
Presidenti rus Vladimir Putin tha të premten se luftimet në Nago-Karabak vranë më shumë se 4,000 njerëz dhe plagosën 8,000 dhe se dhjetëra mijëra ishin në internim. /tesheshi.com/
