Trajneri italian i kombëtares shqiptare, Christian Panucci e ka përligjur me eksperimentet e bëra humbjen e miqësores me Norvegjinë, që për më tepër ishte dhe një paraqitje tejet e dobët.
“E dinim që ishte një ndeshje miqësore. Bëmë eksperiment për të parë nëse të rinj mund të jenë pjesë e grupit kombëtares. E dinim rrezikun që në fillim. Nëse do të ishim në ndeshje zyrtare nuk do të luanim kështu. E dija që do të rrezikoja me Mavraj e Ajetin. Fizikisht ishim shumë të dobët në krahasim me Turqinë. Edhe nëse do të rrinim dy ditë duke luajtur, nuk do të bënim gol kurrë”, tha kreu i pankinës kuq e zi.
Ai më pas është ndalur tek vlerësimi i futbollistëve emër për emër, ku për Ramadanin, të preferuarin e tij tha se “ishte në lartësi”, ndërsa për Sadikun theksoi se “nuk ishte mirë”. /tesheshi.com/
