Trajneri italian i Real Madridit, Carlo Ancelotti, ka bërë të ditur se do të qëndrojë në pankinën e klubit mbretëror edhe sezonin e ardhshëm dhe do të rinovojë gradualisht skuadrën, pa ndryshime të mëdha.
Eksperti italian i futbollit foli të premten me presidentin e Realit, Florentino Perez, dhe më pas u tha gazetarëve në Madrid se kanë rënë dakord të vazhdojnë bashkëpunimin edhe në sezonin e ardhshëm.
“Ne u takuam dje. Presidenti Perez shprehu mbështetjen e tij për mua dhe biseduam për ndeshjen e të mërkurës. Ne do të vazhdojmë të punojmë me të njëjtën dëshirë për t’i përmirësuar gjërat në të ardhmen“, tha Ancelotti, i cili ka një kontratë deri më 30 qershor, 2024.
Të mërkurën, Real Madridi u mposht keq 0:4 në ndeshjen ndaj Manchester City-t në gjysmëfinale të Ligës së Kampionëve të UEFA-s.
Por një vit më parë, po me Ancelottin do fitonte Champions. /tesheshi.com/
