Rumaninë e pret një tjetër periudhë paqëndrueshmërie politike pasi PSD-ja, Partia Socialdemokrate në qeverisje, e la pa mbështetje kryeministrin Sorin Grindeanu dhe i kërkoi atij ta linte postin.
Grindeanu nuk ka pranuar të dorëhiqet; një vendim që e ka bërë të ditur në orët e mbrëmjes të së mërkurës.
“Kam detyrimin për të vepruar me përgjegjësi karshi vendit tim dhe karshi partisë sime. Do të jap dorëheqjen vetëm nëse presidenti Klaus Iohannis ka për të emëruar një anëtar të PSD-së për postin tim pas konsultimit me të gjitha partitë politike.”
Në kundërshtim me kryeministrin, drejtuesi i PSD-së, Liviu Dragnea, do t’u thoshte gazetarëve se nuk bëhej më fjalë për një qeveri të Grindeanu-s, teksa të gjithë anëtarët e kabinetit që i përkasin PSD-së kanë dhënë dorëheqjen.
Socialdemokratët kanë shprehur pakënaqësinë për mosçuarjen përpara të një programi ambicioz qeverisës nga kabineti i Sorin Grindeanu-s në këto gjashtë muaj.
Aleanca e Liberalëve dhe Demokratëve, ALDE, partnere e PSD-së, deklaroi po ashtu tërheqjen e mbështetjes për kryeministrin. /tesheshi.com/
