Suliman Abdul-Mutakallim u qëllua në pjesën e prapme të kokës, ndërsa po kthehej në shtëpi, duke mbajtur ushqim për vete dhe gruan e tij.
Autoritetet thonë se ai ishte një viktimë e pafajshme. Por ç’ndodhi më pas?
Pasi dy adoleshentë që u deklaruan fajtorë këtë muaj në seanca të veçanta gjyqësore dhe u dënuan me burg, nëna e Abdul-Mutallimit, Rukija, shprehu dëshirën që t’i përqafonte ata.
Ajo dëshiron t’i vizitojë ata rregullisht në burg dhe t’i ndihmojë ata të bëhen njerëz më të mirë.
Ajo mendon për ta në këtë mënyrë: ata janë infektuar nga një sëmundje, por janë të rinj. Ata mund të shërohen.
Hakmarrja, thotë ajo, nuk zgjidh asgjë. Ajo (hakmarrja) nuk do ta kthejë birin e saj.
E tëra ndodhi natën e 28 qershorit 2015, në South Cumminsville, nën një mbikalim autostradash. Suliman ishte duke ecur në shtëpi, duke mbajtur një qese me ushqime.
Policia thotë se ishin tre grabitës. Një prej tyre, Javon, i cili ishte 14 vjeç, u pa në një video survejimi duke nxjerrur paratë nga xhepi i pantallonave të tij menjëherë pas të shtënave.
Veterani 39-vjeçar i marinës, i njohur nga shumë njerëz si “Sam”, ishte ende gjallë, me fytyrë të kthyer poshtë në trotuar, duke gjakderdhur. Në portofol ai kishte më pak se 60 dollarë.
Rukija, një banore vendase e Karolinës së Veriut e konvertuar në adoleshencën e saj të vonshme në muslimane, ka jetuar me atë imazh të djalit të saj të vdekur për më shumë se dy vjet. Hidhërimi i saj është i vazhdueshëm.
Ajo kujton momentin kur Suliman, më i vogli i tre fëmijëve të saj, vdiq në qendrën mjekësore të Universitetit Cincinnati. Ajo dhe anëtarët e tjerë të familjes ishin pranë shtratit të tij. Ajo po mbante dorën.
Feja e saj mëson se nuk ka diç të tillë si lamtumirë. Pra, Rukija i pëshpëriti birit të saj, “…derisa në takimin tonë të ardhshëm…”
Pastaj e puthi atë.
Në një seancë gjyqësore më shumë se dy vjet më vonë, më 2 nëntor, Rukij, pasi i kërkoi leje Gjykatësit të Qarkut, Hamilton Megan Shanahan, bëri diçka që veteranët e sallës së gjykimit thanë se nuk e kishin parë kurrë në jetën e tyre.
Ajo iu afrua të akuzuarit Javon, i cili sapo kishte pranuar përfshirjen në vdekjen e djalit të saj dhe e përqafoi atë. Ajo gjithashtu përqafoi nënën e Javonit.
Ajo donte që ata të dinin se ajo mund të shihte përtej veprës që mori jetën e djalit të saj.
Dhe ajo u zotua të bënte gjithçka të mundur për ta bërë Javonin një njeri më të mirë.
Rukija, e cila është 66 vjeçe, tha se vrasësit e djalit të saj janë fëmijë që kanë nëna, si ajo vetë.
“Këta djem të rinj, megjithëse e morën jetën e tim biri në mënyrën që ata e bënë, ne duhet të luftojmë për ta. Sepse do të kthehen përsëri në rrugë. Dhe ata do të jenë më të moshuar. Por nëse nuk do të udhëzohen, atëherë kjo sëmundje do të përsëritet dhe ata do të marrin jetën e një fëmije të një personi tjetër dhe përfundimisht jetën e tyre”, tha Rukije. “Dhe zemra e çdo nëneje duhet te ndihet kështu”.
“Ne duhet të luftojmë që ata të shohin se ka një jetë më të mirë”, tha ajo, “dhe më pas ata duhet të luftojnë për të shkuar atje ku është jeta më e mirë”.
Rukija është një grua në pension. Që nga viti 2014, ajo ka punuar si një vullnetare e një ekipi reagues ndaj fatkeqësive. Kohët e fundit, ajo shkoi në Houston pas uraganit Harvey.
Për dallim prej Javon, Valentino refuzoi ofertën e Rukijes për një përqafim në gjykatë dhe ajo shqetësohet se ai nuk do të jetë i gatshëm të pranojë ndihmën e saj. Ajo shqetësohet se do të zgjedhë një jetë në rrugë dhe kur të lirohet do të kthehet në atë botë.
Me lejen e nënave të tyre, ajo dëshiron të bëhet një avokate për ta, t’i vizitojë rregullisht derisa ata janë në burg, t’i ndihmojë ata të marrin një arsimim dhe “të përpiqen të gjejnë një zgjidhje që do t’i japë dritë jetës së këtyre të rinjve për të ardhmen e tyre.”
Ajo dëshiron t’u tregojë atyre se edhe pse ata gjithmonë e kanë dëmtuar familjen e saj, që ajo i fal.
Dhe për t’u siguruar që kur të lirohen ata kanë një mundësi për të ndërtuar një jetë dhe të jenë të suksesshëm.
“Mundësojuani atyre që të shohin se ka një anë më të mirë të jetës sesa atë që ata kanë parë deri më tani,” tha ajo. “Për të mësuar se si të thuash jo asaj që tashmë e di se është e gabuar.” /tesheshi.com/
https://www.youtube.com/watch?v=KKYZ5v7QQyw
