“Human Rights Watch” përmes një komunikate për shtyp ka njoftuar se e ka mirëpritur vendimin e Kuvendit të Kosovës për të krijuar Gjykatën Speciale për akuzat serioze pas luftës.
HRW ka thënë se gjykata do të operojë nën ligjin e Kosovës mirëpo me seli në Evropë dhe gjykatës e prokurorë ndërkombëtarë.
”Qeveria e Kosovës dhe ligjbërësit, kanë marrë një vendim të drejtë për Drejtësinë”, ka thënë Lotte Leicht, drejtor i Human Rights Watch për Evropën.
“Është një hap me rëndësi për viktimat dhe për Kosovën që më në fund të adresojë akuzat për krimet serioze pas luftës”, ka theksuar ai.
HRW ka thënë se Qeveria duhet të punojë ngushtë me BE-në për ta themeluar Gjykatën në mënyrën duhur.
Gjithashtu ka bërë thirrje që për një gjykatë të besueshme, është i domosdoshëm programi për mbrojtjen e dëshmitarëve. /tesheshi.com/
