Shefi i diplomacisë së Kosovës, Enver Hoxhaj, është deklaruar optimist se dy vendet që deri tani janë kundërshtare të pavarësisë së Kosovës, mund të rishikojnë vendimin e tyre.
Bëhet fjalë për Greqinë dhe Izraelin, të cilët e kanë bllokuar në mënyrë intrasigjente votimin pro njohjes së shtetit më të ri në botë.
Në një intervistë për televizionin RTV 21, Hoxhaj theksoi se në Nju Jork ka takuar ambasadoren e Greqisë, Catherina Boura dhe ambasadorin e Izraelit, Danny Danon.
Hoxha nuk premtoi një njohje të shpejtë, por foli për një “zhvillim pozitiv”.
Ndërkaq, shefi i diplomacisë së Kosovës deklaroi më tej se është takuar dhe me
përfaqësuesin e Sudanit Jugor, Joseph Moum dhe të Singaporit, Karen Tan.
Ministri i Jashtëm i Kosovës, ka nxjerrë lajmin se një shtet i Afrikës dhe një i Amerikës Latine së shpejti do ta njohin Republikën e Kosovës.
Deri tani Kosovën e kanë njohur 111 shtete, ndërkohë që 5 vende anëtare të BE-së: Greqia, Spanja, Qipro, Sllovakia dhe Rumania ende refuzojnë ta marrin vendimin pozitiv. /tesheshi.com/
