Zv.kryeministri i Kosovës Enver Hoxhaj tha se në vitin 2019, Kosova nuk është vetëm një çështje e Ballkanit, por dhe një çështje evropiane dhe botërore dhe se ky vit është “viti i mundësive të mëdha të Kosovës.
Ai tha se dialogu midis Serbisë dhe Kosovës ishte “i vdekur”, por theksoi se ai beson se samiti i pritshëm në Berlin mund të jetë një pikë kthese në fund të prillit.
“Gjermanët dhe francezët kanë përgatitur këtë samit për të qenë i suksesshëm. Mendoj se do të ketë propozime dhe data specifike për të ardhmen e Ballkanit atje”, tha Hoxhaj.
Ai theksoi se nuk ka zhvillim të ri të situatës lidhur me pezullimin e taksës 100 për qind për mallrat serbe
Por Hoxhaj nuk e përjashtoi mundësinë që mund të ketë një situatë ndërkombëtare e cila të mund ta zhbllokojë dialogun.
“Në vitin 2019, Kosova nuk është vetëm një çështje e rëndësishme në Ballkan, por edhe një çështje e madhe evropiane dhe globale. Ne kemi nevojë për vetëdijen politike se si ta shfrytëzojmë këtë mundësi”, shtoi zëvëndësi i Haradinajt.
Ai shtoi se ai beson se dialogu midis Kosovës dhe Serbisë do të rivendoset.
“Ajo që duhet të kuptojmë është se viti 2019 është një vit i mundësive të mëdha për Kosovën”, shtoi Hoxhaj. /tesheshi.com/
