Në një status në FB, hoxha i njohur Ahmet Kalaja është lutur që futbollisti i njohur i kombëtares shqiptare, Mërgim Mavraj të rikthehet sa më shpejtë në fushë, e shoqëruar kjo me një foto të Mavrajt pas operacionit në këmbë.
Në rreshtat e tij, hoxha ka përdorur paksa dhe ironinë, kur serbët i quan dronofobë, ata me të cilët kombëtarja shqiptare do ndeshet në tetor:
Zot i Plotefuqishem mundesoja te rikthehet me i fuqishem ne fushe se sfida te medha e presin sidomos ajo me Dronofobet!
Amin!
Por duhet theksuar se këtë lutje, hoxha i njohur e ka bërë në atë që mund të konsiderohet dhe si Nata e Kadrit, pasi mbrëmë ka nisur i ashtëquajturi në gjuhën fetare si 10-ditëshi i fundit i Ramazanit, ku presupozohet se çdo natë, deri në të fundit të muajit të agjërimit, mund të jetë e Kadrit. Javët në vijim, pritet të shihet nëse lutja e hoxhës ka qëlluar në shenjë. Pra, nëse Mavraj do rikuperohet plotësisht dhe do jetë në top-formë në ndeshjen kundër dronofobëve, siç i quan hoxha serbët. /tesheshi.com/
