Anëtari i Kryesisë Qendrore të Lëvizjes BESA, Arianit Hoxha i ftuar në emisionin e mbrëmshëm “Arena” të TVSHENJA ka folur rreth mundësisë së përfshirjes së partisë së tyre në koalicionin e ardhshëm qeveritar, por me kusht që në të të mos ketë vend për figura të BDI-së që janë të përfshirë në afera korruptive dhe krim. Pra, sipas tij nëse LSDM amniston kriminelët e BDI-së, këtë nuk do ta bën edhe BESA.
“Nëse vjen koha që të formohet qeveria. Nëse LSDM për çështje politike vendos që t’i amnistoj, atëherë ka një zë që nuk do ti amnistoj ata. Këta deputet kanë marrë mandat për ta dekirminalizu Maqedoninë. Nuk do të ketë kuptim në rast se nuk dekriminalizohet e tëra kjo qeverisje e kaluar. Ky sistem që ka funksionuar ka pasur një patericë, e që për fat të keq ka qenë BDI”, tha Hoxha.
Hoxha ka akuzuar deputetin e BDI-së, Artan Grubi si dashakeqës i shqiptarëve pasi që ky i fundit ka shpifur se deputetët e BESËS kanë ikur nga salla e Kuvendit natën e sulmit nga protestuesit.
“E vërteta e parë është se deputetët e BESËS kanë qenë në sallë kur është votuar Talat Xhaferi. Për interesin madhor të gjithë të shqiptarëve, ne kemi legjitimuar procesin. Deputetët e BESËS kanë qenë deri në momentin kur e ka dhënë betimin. Është për të ardhur keq që një deputet të kërkojw vdekjen e kolegwve shqiptarë. Ai është mësuar që t’i fut shqiptarët në kësi skenarë, i ka futur shqiptarët në Kala”, tha Hoxha. /tesheshi.com/
