Kush thoshte se sulmet në Paris do të ndryshonin panoramën politike botërore, kishte të drejtë.
Kjo u paralajmërua nga presidenti francez, Francois Hollande, i cili theksoi në fjalën e mbajtur para Parlamentit nevojën e ngritjes së një koalicioni të përbashkët ndërkombëtar.
Për këtë, Hollande njoftoi se brenda pak ditësh do të zhvillojë takime me presidentin amerikan, Barack Obama dhe atë rus, Vladimir Putin.
Takimet vijnë pas bisedimeve kokë më kokë mes Obamës dhe Putinit, ku në qendër të bisedimeve ishte pikërisht ISIS-i.
“Franca është në luftë. Këta vrasës nuk përfaqësojnë qytetërimin. Franca zotohet jo vetëm të luftojë, por të shkatërrojë të ashtuquajturin ISIS dhe për këtë do të përshkallëzojmë sulmet në javët e ardhshme”, deklaroi Hollande.
/tesheshi.com/
