Auto Dak
Auto Dak
Auto Dak

Drafti që heq taksat për 15 mijë biznese: ja kush nuk do të paguajë më në shtet

Kryeministri Edi Rama premtoi se në buxhetin e ri të shtetit nuk do të taksohet biznesi i vogël për tatimin e fitimit por do të paguajë vetëm sigurimet shoqërore dhe natyrisht TVSH-në për blerjen e mallit.

U hoq ndarja aktuale e bizneseve deri në 20 milionë lekë. Tashmë të gjithë bizneset e vegjël do të konsiderohen ata që kanë deri në 50 milionë lekë xhiro.

Për këto biznese është bërë përjashtimi i plotë nga tatimi mbi fitimin që ishte 7.5 për qind e fitimit, i cili shkonte mesatarisht 500 mijë deri në 1 milion lekë në vit. Për këto biznese do të jetë i detyrueshëm, vetëm pagimi i sigurimeve shoqërore e shëndetësore, si edhe deklarimi  shpenzimeve dhe të ardhurave mbi bazën e kuponit tatimor. Përfitues nga kjo masë janë 83. 300 biznese.

Për bizneset nga 50 deri në 80 milionë lekë xhiro tatimi i fitimit ulet nga 7.5 në 5 për qind të fitimit. Përfitimi nga kjo masë është deri në 1 milion lekë në vit. Përfitues janë 15 900 biznese.

Në Shqipëri 85 për qind e bizneseve janë të vegjël. Ata sjellin në buxhetin e shtetit rreth 15 për qind të të gjithë të ardhurave tatimore.

Bizneset e vegjel deri më tani janë kategorizuar nga 0-20 milionë lekë të vjetra xhiro, janë përgjithësisht ambulantet.

Nga 20-50 milionë lekë të vjetra xhiro përfshihen të gjithë bizneset e vegjël dhe nga 50-80 milionë lekë xhiro janë biznese të vegjël që duhej të deklarionin TVSH (me kasë fiskale). Mbi 80 milionë lekë të vjetra xhiro janë biznese që janë subjekt TVSH, pra paguajnë tvsh.

Në Shqipëri rreth 300 bizneset më të mëdha VIP paguajnë 75 për qind të të ardhurave tatimore. Në vend janë të regjistruar rreth 1000 biznese VIP. Të tjerët mbi 80 milionë lekë xhiro konsiderohen thjeshtë të mëdhenj, por jo vip.

/tesheshi.com/

auto pjese dak

Related posts