Parlamenti holandez morri vendimin për hapjen e negociatave të Shqipërisë me BE-në, duke ndërruar kështu pozicion si një ndër vendet bllokuese. Ndodh kjo vetëm pak pas zgjedhjeve në Holandë , ku kryeministër u rizgjodh Mark Rutte.
Vendimi është përcaktuar ditën e sotme në mbledhjen e Komisionit të Jashtëm në parlamentin holandez, ndërkohë që nesër pritet të konfirmohet nga seanca plenare.
Ishte ministrja e re e Jashtme holandeze Singrid Kaag, e cila ka vlerësuar progresin e Shqipërisë, duke nënvizuar se ky shtet ballkanik së fundmi ka bërë përparim me reformat në temat prioritare dhe në luftën kundër krimit të organizuar dhe korrupsionit.
Për kryeministrin Rama, ky zhvillim konfirmon atë që ka thënë ai më parë.
“Parlamenti hollandez mbështet thirrjen e Konferencës së Parë Ndërqeveritare Shqipëri – BE për nisjen zyrtare të negociatave për anëtarësim.
Jua kisha thënë, pa u bërë zgjedhjet atje nuk kemi çfarë presim dhe ja, zgjedhjet mbaruan Shqipëria u zhbllokua.
Sidoqoftë faleminderit…”, shkruan i pari i qeverisë shqiptare. /tesheshi.com/
