Avionët luftarakë holandezë do të bombardojnë këtej e tutje në territorin sirian, duke patur në shenjë objektivat e ISIS-it. Holanda u është bashkuar kështu sulmeve ajrore mbi Siri të koalicionit të udhëhequr nga SHBA-të.
“Ne kemi vendosur ta dëgjojmë thirrjen e aleatëve tanë për zgjerimin e hapësirës operacionale të avionëve tanë F-16 në lindje të Sirisë, për t’i dobësuar më tej rrugët e furnizimit të ISIS-it, si dhe aftësinë e tij për të përparuar,” ka deklaruar kryeministri holandez Mark Rutte.
Një skuadrilje avionësh luftarakë F-16 të Holandës po kryen prej kohësh bombardime mbi Irak, ndërsa vendimi i fundit e shtrin veprimtarinë e saj dhe në Siri deri më 1 korrik.
Qeverisë holandeze iu kërkua fundin e vitit të shkuar nga SHBA-të dhe Franca që ta zgjeronte mbështetjen ajrore kundër ISIS-it. /tesheshi.com/
