Vetëvendosje është pasuruar së fundi me një potencial intelektual që ka vendosur të aderojë në këtë parti. Është historian në moshë, Hakif Bajrami. Dhe Albin Kurti e ka prmovuar fort këtë aderim, ardhur pas një situate përçarjeje në partinë e tij.
“Sot Lëvizjes Vetëvendosje iu bashkua historiani ynë i njohur, Prof.Dr.Hakif Bajrami. Libri i tij ‘Politika e shfarosjes së shqiptarëve dhe kolonizimi serb i Kosovës 1844-1995’ është një studim i përmbledhur tejet i rëndësishëm dhe i vlefshëm. Librat e tij të tjerë të shumtë, prej studimeve mbi aradhat partizane te dëbimi dhe shpërngulja e shqiptarëve për Turqi, për personalitetet kombëtare nga Bedri Pejani te Adem Demaçi, e deri te libri i tij i ndaluar në shtypshkronjë në vitin 1990 ‘Kosova nga Bujani në Kaçanik” janë lexuar e lexohen vazhdimisht jo vetëm nga brezat e studentëve të historisë’”, shkruan Kurti në Facebook.
CV e shkurtër e Bajramit…
Bajrami, u lind më 7 mars 1943, në katundin Balsh të komunës së Besianës, Malësi e Llapit. Shkollimin tetëvjeçar e kreu në Besianë, ku kreu dhe shkollimin e mesëm, në gjimnaz.
Në Prishtinë, pikërisht në Degën e Historisë së Fakultetit Filozofik, i mbaroi studimet universitare. Nga viti 1969 u punësua si arsimtar i gjuhës latine dhe i sociologjisë në gjimnazin e Besianës, por do të do të nxirret nga detyra si i “padëshiruar potencial për regjimin”.
Më 1970 erdhi në gjimnazin e Prishtinës, prapë arsimtar i gjuhës latine dhe i sociologjisë, kurse nga viti 1973 edhe i histories.
Njëkohësit i vazhdoi studimet pasuniversitare, në Fakultetin Filozofik të Prishtinës, për të magjistruar më 1975. Nga kjo kohë, me gradën shkencor “Magjistër i Shkencave të Historisë” u punësua “Bashkëpunëtor shkencor” në Entin e Historisë së Kosovës, ku i ngjeshi përpjekjet për ngritjen profesionale shkencore dhe më 15 janar 1979 e mori gradën shkencore “Doktor i Shkencave historike”. /tesheshi.com/
