Lizzy Myers është një vajzë që jeton në Ohio dhe që i kanë ngelur edhe shumë pak vite shikim nga sytë e saj. E vogla shumë shpejt do të humbë shikimin dhe dëgjimin për shkak të një sëmundje të rrallë, e cila do të dënojë vajzën me verbëri totale.
Ajo nuk do të arrijë të dallojë më asnjë formë, ngjyrë, asnjë zhurmë, asnjë muzikë, por vetëm errësirë totale dhe qetësi. Në këto pak vite jetë normale që i kanë ngelur, prindërit kanë vendosur ti bëjnë disa dhurata, të cilat kanë të bëjnë me shumë gjëra që vajza do të shikojë sëshpejti. Mes tyre përfshihet edhe qyteti i Romës.
Vajza është prekur nga sindroma Usher, e tipit dy. Bëhet fjalë për një sëmundje të rrallë gjenetike, e cila bllokon shikimin dhe dëgjimin. Prindërit kanë bërë për të një listë të gjërave që ajo duhet t’i shikojë patjetër, përfshirë edhe udhëtimin në Romë të Italisë, të cilin prindërit mendonin se nuk do të mund t’ia bënin realitet fëmijës së tyre për shkak të shpenzimeve të mëdha, që i kalonin mundësitë e tyre ekonomike.
Në fakt, ëndrra e tyre u bë realitet dhe pranverën e ardhshme, falë bujarisë së drejtorit gjeneral të Turkish Airlines, i cili u prek nga historia e Lizzy, prindërit dhe vogëlushja do të mund të udhëtojnë falas në çdo vend të botës, vajtje dhe ardhje, me biletat tërësisht të paguara. Këto ditë, Lizzy, bashkë me të ëmën, të atin dhe motrën Christine, janë me pushime në Hilton Head në Karolinën e Jugut, ndërsa në listën e gjërave që duhen parë patjetër, është edhe një perëndim dielli e një agim në plazh./tesheshi.com/
