Kur presidenti amerikan, Barack Obama mbërriti në Havana ai u bë presidenti i parë në detyrë i Shteteve të Bashkuara që viziton Kubën e Kastrove, edhe pse 88 vjet më parë ishte një tjetër president që shkeli në këtë vend vetëm 30 vjet pas shpalljes së pavarësisë: bëhet fjalë për republikanin Calvin Coolidge.
Vizita e Obamës ka nxjerrë nga harresa, por edhe nga arkivat kubaneze udhëtimin e Coolidge, presidentit të tridhjetë amerikan që qeverisi gjatë viteve 1923 – 1929.
Në një artikull të fundit të publikuar nga e përditshmja “Rini rebele”, kronisti i Havanës, Ciro Bianchi kujton portretin e bërë nga ambasadori kuban në Uashington gjatë viteve 1926- 1932, Orestes Ferrara, i cili përshkruan si “më hermetikun” mes presidentëve ameriakanë, “një njeri serioz, të heshtur dhe inteligjent”.
Coolidge arriti në Kubë në janar 1928 për të inaguruar konferencën e gjashtë panamerikane, paraardhëse e Organizatës së Shteteve Amerikane.
Presidenti ishte fuar në qytet nga lideri kuban i asaj kohe, Gerardo Machado, që në ishull kujtohet për represionin e madh të ndërmarrë ndaj lëvizjeve popullore dhe gjithë opozitës e që kërkonte që me vizitën e Coolidge të kishte mbështetjen e Shteteve të Bashkuara për ta mbajtur pushtetin në vendin ishullor.
Coolidge mbërriti në Havana me bashkëshorten e tij, Ana Grace: takoi Machado-n e sipas disa botimeve të asaj kohe, u prit me duartrokitje dhe lule gjatë udhëtimit me makinë përgjatë rrugëve të qytetit. Gjatë qëndrimit në ishull, Coolidge qëndroi në pallatin presidencial dhe inaguroi konferencën panamerikane në teatrin kombëtar të Havanës ku mbajti edhe fjalimin e hapjes, fjalët e vetme të publikuara të presidentit amerikan që mbahen mend nga ajo vizitë.
Në konferencë merrnin pjesë përfaqësues të të gjitha kombeve të Amerikës Latine, e sipas disa historianëve të kohës, takimi në Havana u mbajt në një kontekst kontinental kompleks me një axhendë plot argument të rëndësishëm, mes të cilëve, doli edhe çështja e ndërhyrjes së Uashingtonit në punët e brendshme të Kubës.
Përgatiti: Juli Prifti – tesheshi.com
