T’i përmbushësh synimet është sfiduese. Për shumë njerëz, skenari më i shpeshtë është ngazëllimi kur i vendosin qëllimet dhe kur u përmbahen atyre për një kohë. Por, duke qenë se koha ecën, procesi i përmbushjes së qëllimeve sa vjen e bëhet më stresues dhe, si rrjedhim, ata fillojnë t’i zvarrisin gjërat me arsyetime nga më të ndryshmet, si të qenit shumë i zënë, mungesa e burimeve, dekurajimi që vjen nga njerëzit përrreth tyre etj. A keni menduar ndonjëherë pse zvarritja e gjërave ose madje edhe heqja dorë janë përfundimet e zakonshme kur ndiqet një ambicie? Shkaku i kësaj nuk është se ti nuk po këmbëngul sa duhet, porse ti po i vendos qëllimet e tua me një qasje të gabuar.
– Problemi i të fokusuarit shumë në numra
Kur është çështja te planifikimi i karierës, shumë njerëz kanë qejf t’i lidhin synimet e tyre me numra. Sa do të doja të mbërrija në nivelin e menaxhmentit për 3 vjet! Sikur ta kisha thyer rekordin e shitjeve të kompanisë në tremujorin e ardhshëm! Dua që rroga ime të rritet në 30% në një vit. Pa dyshim që këto synime të numërzuara janë konkrete dhe lehtë të vizualizuara, prandaj ato të motivojnë ty në fillim.
Por, le të ballafaqojmë faktin: përmbushja e synimeve tona në karrierë nuk përcaktohen vetëm nga ajo se sa japim ne mund për të. Ka shumë faktorë që ne s’mund t’i kontrollojmë plotësisht. Pra, numërzimi i qëllimeve është sikur shpata me dy tehe. Në njerën anë, ajo na jep udhëzim të qartë; në anën tjetër, ajo na kurthon brenda një kufiri të vështirë. Kur ne s’mund të arrijmë nivelin e menaxhmentit, apo të thyejmë rekordin e shitjeve, derisa afati i përfundimit veç afrohet, atëherë shumë nga ne hutohemi dhe fillojmë t’i zvarrisim gjërat që duhet t’i bëjmë. Edhe më keq, mund të bëhemi të pashpresë dhe t’ia mohojmë vetës vlerat që kemi.
Pra, në vend që t’ia vendosësh vetes një qëllim duke menduar se çfarë vepra konkrete duhet t’i bësh për ta arritur atë qëllim, duhet ta pyetësh veten me këtë pyetje më të rëndësishme: çfarë vlera fshihen pas synimit që ia kam vënë vetes?
– Pse të fokusuarit në vlera është qasje më e mirë
Po e kuptuam vërtet pse vendosim synime të caktuara, atëherë do ta përshtatnim jetën rreth synimeve tona, duke krijuar shprehi për to; në këtë mënyrë nuk do të ndihemi më të lodhur nga të nxituarit për t’i përmbushur synimet brenda një kohe të caktuar.
Nëse synimi yt në karrierë është të arrish nivelin e menaxhmentit, atëherë duhesh t’i futesh më thellë, për të kuptuar logjikën e saj. Nëse qëllimi yt final është t’i bësh idetë e tua si forcë shtytëse të strategjive të kompanisë, atëherë mos u përkufizo vetëm në demonstrimin se ti posedon kualitetin e një lideri të madh apo se ti garon me kolegët e tjerë për tituj. Por krijoi shprehitë e mundësive vetanake për kompaninë tënde, duke kontribuar me ide më të vlefshme në takime, dhe duke përmirësuar komunikimin dhe koordinimin ndërmjet kolegëve. Në këtë mënyrë nuk do t’i ngatërrosh vlerat tuaja (rritja e ndikimit dhe kontributit tënd në kompani) me mjetet (të arriturit e nivelit të menaxhmentit).
Edhe pse vendosja e qëllimeve të numërzuara, me strategji përkatëse mund të shkurtojë kohën e arritjes së synimeve, por këtu, efekti anësor i shpërfillshëm është se ti nuk e shijon procesin dhe fenomeni zvarritje fillon të të vizitojë. Kur ti provon të rregullosh qasjen e të vendosurit të synimeve duke u bazuar në vlerat e tua, atëherë edhe sheh më shumë opcione për të kuptuar se çfarë ti do dhe, duke i kthyer ato opsione në shprehi, procesi do të bëhet më i qëndrueshëm dhe më i kënaqshëm. /tesheshi.com/
