Kur ju sapo bëheni prindër, gëzimin tuaj më të madh, me të drejtë, dëshironi ta ndani me të tjerët dhe në mënyrë logjike kërkoni që kushdo të nisë të gëzojë bashkë me ju, e një nga këto mënyra është të postoni në rrjetet sociale detaje nga jeta e të voglit tuaj, madje edhe në momente kur ata rriten.
Mirëpo, të arkivosh përvojën e prindërimit në Facebook mund të kthehet kundër për një varg arsyesh: – Imazhet, videot dhe informacionet (ditëlindja, festat e shkollës etj.) i japin të dhëna çdo keqbërësi, që me disa click të mësojë ç’pamje ka fëmija juaj, në çfarë shkolle shkon dhe në ç’orë ti e lë në palestër për orën e karatesë.
- Nuk e dini asnjëherë me saktësi si do i përdorë rrjeti social imazhet dhe informacionet për fëmijët tuaj.
-
Nuk është e thënë që fëmija juaj do jetë shumë i lumtur kur të hyjë vetë në Facebook e të shohë që disa nga etapat më të sikletshme të fëmijërisë janë përhapur në të katër anët e rrjetit.
Nga një studim i bërë në vitin 2011 nga Instituti për Kërkime Sociale i Universitetit të Michigan-it, 66% e prindërve amerikanë të lindur ndërmjet viteve’60 e ’70 e ndajnë pa frikë jetën e fëmijëve në rrjete online./tesheshi.com/
