Presidenti amerikan Donald Trump ka shkarkuar Inspektorin e Përgjithshëm të Departamentit të Shtetit Steve Linick, i cili, sipas kryetarit të Komitetit të Punëve të Jashtme të Dhomës së Përfaqësuesve të Kongresit të Shteteve të Bashkuara, ka hapur një hetim ndaj Sekretarit të Shtetit Mike Pompeo.
“Kam mësuar që Zyra e Inspektorit të Përgjithshëm ka hapur një hetim ndaj Sekretarit Pompeo”, tha Eliot Engel, kryetari i komitetit, i cili dënoi shkarkimin e Linick.
Një zyrtar pa emër i Departamentit të Shtetit konfirmoi që Pompeo rekomandoi që Linick të pushohej nga puna, por nuk e theksoi arsyen për këtë.
Në një letër që i dërgoi kryetarit të Dhomës Nancy Pelosi, Trump tha se ishte e rëndësishme të kesh besim të plotë tek ata që shërbejnë si inspektorë të përgjithshëm.
Vendosur nga Barack Obama
“Ky nuk është më rasti me këtë inspektor të përgjithshëm”, tha Trump, raporton CNN.
Linick u njoftua të premten në mbrëmje se ai ishte pushuar nga puna dhe do të zëvendësohej nga Stephen Akard, një bashkëpunëtor i ngushtë i Zv/presidenti Mike Pence, shtoi Guardian.
Linick, i cili u emërua për herë të parë inspektor i përgjithshëm nga ish-presidenti Barack Obama, luajti një rol të vogël në hetimin e impeachment-it ndaj Trump. /tesheshi.com/
