Në një raport që do të dalë në javët e ardhshme, OBSH do të shpjegojë në detaje burimin e pandemisë COVID-19.
OBSH, kujtojmë, filloi një hetim të gjerë në janar për të zbuluar burimin e pandemisë dhe tani thotë se fjala është për ferma të kafshëve të egra.
Shumë nga këto ferma janë të vendosura në Provincën Yunnan. Prej andej, kafshët e egra u prokuruan nga rishitës nga Tregu i Ushqimeve të Detit Huanan në Wuhan. Këtu vijnë rastet e para të zbuluara të COVID-19 nga viti i kaluar.
Peter Daszak, një ekolog nga ekipi i OBSH-së, i tha faqes NPR në lidhje me përvojën e tij në këtë mision për të kërkuar burimin e pandemisë, duke thënë se disa nga këto kafshë të egra mund të ishin infektuar me virusin SARS-CoV-2 nga lakuriqët e natës, të cilat janë të shumta në Yunnan.
OBSH do të lëshojë një raport të hollësishëm mbi gjetjet e tij në javët në vijim. Misioni filloi në janar, pas një serie teorish konspirative që u përhapën në të gjithë botën. Njëra ishte që virusi disi “shpëtoi” nga një laborator në Wuhan, por OBSH e përjashtoi atë skenar muajin e kaluar, duke shpjeguar se nuk kishte prova për të.
Shkencëtarët bien dakord që virusi qarkulloi te lakuriqët e natës dhe më pas “kërceu” mbi njerëzit përmes ndërmjetësve, ka shumë të ngjarë vetëm kafshë të egra që u shitën në treg.
Këto ferma të kafshëve të egra janë pjesë e një projekti të inkurajuar nga qeveria kineze për 20 vitet e fundit, për të ndihmuar popullsinë rurale të dalë nga varfëria dhe mungesat e ushqimit.
Në shkurt 2020, Kina mbylli ato tregje sepse qeveria arriti në përfundimin se tregjet ishin pjesë e zinxhirit të transmetimit të virusit nga lakuriqët e natës tek njerëzit.
Kështu, të gjithë shitësit dhe fermerët morën udhëzime të hollësishme nga qeveria se si të vrasin dhe djegin kafshët në mënyrë që sëmundja të mos përhapet më tej. /tesheshi.com/
