Policia italiane ka arrestuar dy persona si pjesë e një hetimi nga një grup i të djathtëve që planifikonin të hidhnin në erë një xhami afër Sienës.
Policia tha se 12 persona po hetohen për posedim të paligjshëm të armëve të zjarrit me një qëllim subversiv, raporton agjensia e lajmeve ANSA.
Policia speciale e Firences dhe e Sienës kanë kryer kërkime të shumta, thanë autoritetet.
Ata thonë se “se janë zbuluar armë dhe eksploziv, të fshehura në shtëpi, depo dhe zyra në zonën e Sienës”.
Fotografitë e sendeve të sekuestruara nga policia janë zbardhur nga mediat italiane që tregojnë pushkë të shumta, memorandume të Luftës së Dytë Botërore, përfshirë kapelat naziste dhe flamuj fashistë.
Policia thotë se grupi planifikoi të hidhte në erë një xhami në Colle Val d’Elsa, 25 kilometra në veri-perëndim të Sienës.
Personat e përfshirë në hetim promovuan fashizmin dhe nazizmin në mediat sociale, njoftoi La Repubblica.
“Ekstremizmi dhe terrorizmi i krahut të djathtë janë një rrezik i vërtetë, dhe ne presim që të gjithë të dënohen”, sipas një deklarate të publikuar në Facebook nga shoqata Unione delle Comunita Islamhe d’Italia (UCOII). /tesheshi.com/
