Agjenti jashtëzakonisht vdekjeprurës nervor VX, i cili është përdorur si një armë kimike, është gjetur pas vrasjes së fundit të gjysmë-vëllait të liderit të Koresë së Veriut Kim Jong, tha të premten policia e Malajzisë duke iu referuar rezultateve të para të hetimit.
Agjenti VX është pa erë, pa shije, dhe sipas Konventës të Armëve Kimike përdorimin i saj është i papranueshëm, përveç për hulumtime mjekësore e farmaceutike.
Mund të jetë i përgatitur në gjendje të lëngët, si krem ose aerosol. Në qoftë se ajo përdoret në doza të larta, mund të jetë fatale brenda 15 minutash, sipas Qendrës Kimike Biologjike të ushtrisë amerikane, duke iu referuar si agjenti më toksik nervor në botë.
Kim Jong-nam vdiq menjëherë pas sulmit të kryer javën e kaluar në aeroportin ndërkombëtar në Kuala Lumpur, ndërkohë që ai po përgatitej për një fluturim drejt Macau-t.
Zyrtarët e Koresë së Jugut dhe SHBA njoftuan se ata besojnë se agjentët e Koresë së Veriut e kanë vrarë Kim Jong-nam.
Sipas policisë, mostrat e marra nga syri dhe fytyra e koreano-veriorit, të cilët i ka analizuar policia e Malajzisë, kanë zbuluar praninë e VX.
Agjenti nervor VX është armë kimike e klasifikuar në Shtetet e Bashkuara si një armë e shkatërrimit në masë.
Kreu i policisë së Malajzisë më parë ka raportuar se dy gra, një vietnameze dhe një grua indoneziane, kanë hedhur një tretje të lëngshme në fytyrën e Kim Jong-nam. Ato pastaj kanë larë duart dhe janë zhdukur nga vendi i ngjarjes.
Videoja e aeroportit, i lëshuar të hënën, ka shfaqur momentin kur një grua ka sulmuar gjysmë-vëllain e liderit të Koresë së Veriut, i cili është parë më pas duke kërkuar ndihmë mjekësore nga aeroporti. Ai vdiq gjatë rrugës për në spital.
Malajzia të enjten ka kërkuar ndihmë nga Interpoli për të gjetur katër koreanoveriorët e dyshuar për përfshirje në vrasje. Besohet se prapa vrasjes qëndron lideri i Koresë së Veriut, i cili e ka konsideruar viktimën si kërcënim ndaj regjimit në Pjongjang. /tesheshi.com/
