Kreu demokrat Basha u ndal në Shkodër përgjatë rrugëtimit të tij politik “Bashkëbisedim me Shqipërinë”, duke përçuar mesazhin se me rikthimin e PD-së në pushtet, Shqipëria mund ta tejkalojë atë që ai e konsideron krizë të rëndë nën qeverisjen e PS.
“Koha të bëhemi bashkë për t’i dhënë zgjidhje probleme dhe pastaj të vëmë në jetë këto zgjidhje. Të kthejmë votën e lirë. Të kthejmë shpresën. Kemi gjithçka që duhet, duhet vetëm një qeveri që punon për mirëqenie. Shqipëria i ka mundësitë t’i japë fund krizës, për këtë duhet ta çojmë këtë rrugë deri në fund. Me bashkëbisedim të nxjerrim sëbashku zgjidhjet që kërkon vendi”, tha Basha.
Por ajo çfarë ka përbërë risi në fjalën e Bashës, e pa thënë deri më sot prej tij, ishte deklarimi i motivist se përse iu fut politikës. Kjo ndodhi pak muaj para zgjedhje të 2005-ës, kur ai, aspak i njohur për publikun, u shfaq në KOP-in e famshëm si “fytyrë e re”.
“Ajo që më ka motivuar për të hyrë në politik, është padrejtësia që shikoja në vend. Lufta ndaj padrejtësisë, është lejtmotivi im. Fundi i padrejtësisë, gjëja më e rëndësishme. Jam i vendosur të vazhdoj deri në fund luftën ndaj padrejtësisë”, ishin fjalët e Bashës.
Ndërkohë, në publik sundon versioni se ai i gjend në politikë, pranë PD-së, nga një njohje me të bijën e Berishës, ku që të dy punonin në Kosovë pas lufte me organizatat ndërkombëtare. /tesheshi.com/
