SHBA nuk kanë mbetur fare të kënaqur nga vendimi i kryeministrit Kurti për të hequrtaksën ndaj Serbisë në mënyrë gjysmake.
Një reagim i ardhur fill pas vendimit nga i dërguari Grenell, ka qenë plot zhgënjim e papajtueshmëri me Kurtin.
“Qëndrimi ynë është i qartë; tarifat duhet të hiqen tërësisht. Zoti Kurti po bën gabim të rëndë dhe kjo i është bërë e qartë presidentit (Hashim) Thaçi sot në Shtëpinë e Bardhë”, shkroi ambasadori Grenell në Tëitter.
Siç u lexua mes rreshtash nga vendimmarrja e Kurtit, ky i fundit ka tentuar të “luajë me dy porta”, por që në raport me amerikanët kjo i ka kushtuar më rëndë, referuar ashpërisë së reagimit të Grenellit.
E ndërkohë, edhe partneri në koalicion LDK, tha se nuk pajtohet me vendimmarrjen e Kurtit për heqjen e pjesshme të taksës.
Zëvendëskryeministri Avdullah Hoti, tha se “qëndrimi i zotit Kurti nuk është bashkërenduar me Lidhjen Demokratike të Kosovës”.
“Lidhja Demokratike e Kosovës nuk do ta votojë në mbledhjen e qeverisë propozimin e sotëm të zoti Kurti për heqjen e tarifave”, tha Hoti. /tesheshi.com/
