Gazetari i karrierës në Zërin e Amerikës, Elez Biberaj, ka komentuar shpalljen “non grata” të ish-Kryeprokurorit Adriatik Llalla nga ana e administratës amerikane. Për Biberaj, pretendimet e Llallës se kjo është pasojë e dezinformimit të ambasadorit Lu, nuk qndrojnë.
“Njoftimi është shumë i qartë. Që të ndërmerret një veprim i tillë duhet të jetë një çështje shumë serioze. Nuk besoj në atë që ka thënë Llalla se ambasadori ka deziniformuar. Ambasadori ka investuar shumë në këtë vend në luftën kundër korrupsionit, kundër krimit të organizuar. Qeveria Amerikane funksionon në mënyrë mjaft perfekte. Që të ndërmerret një veprim i tillë duhet të ketë kaluar nëpër shumë kanale. Çështja duhet të jetë mjaft serioze. Vendimi është shumë i qartë.”, tha z. Biberaj gjatë një interviste në Channel One të gazetarit Roland Qafoku. /tesheshi.com/
