Në një dalje për mediat pak ditë pas u arrestua dhe u lirua, botuesi Henri Çili mohoi që gjithçka ndodhi apo po ndodh me të duke u ngarkuar me disa akuza, të kenë prapavijë politike.
“Unë nuk kam asnjë informacion që jam viktimë e një procesi politik, dhe nuk mund të them të kundërtën. Është shumë mirë që çështja ka ardhur në SPAK dhe kjo tregon joprofesionalizmin e prokurorit. Unë jam i bindur për pafajësinë time dhe besoj se sistemi do ta konfirmojë, se e gjitha ndërtohet mbi diçka që nuk ekziston”, tha njeriu i që njihet si themelues i UET-it dhe njëherësh opinioinist i njohur me qëndrime politike të ndryshueshme.
Çili u mbrojt duke thënë se gjithçka mes tij dhe Adil Alikos, baba i Arbjon Alikos, i dënuar për vrasjen e komandos Ibrahim Basha gjatë një operacioni policor në Lazarat, ishte në kuadër të një studioje ligjore ku ai është aksionar.
“Unë jam i përfshirë në çështjen si ortak në firmën legale ku kam 75% të aksioneve. Kam interes të ligjshëm si ortak, kam takuar parangociuar, ndërmjetësuar me persona të ndryshëm në funksion të kontratave për shërbime juridike. Veprimi im në kuadër të kësaj studioje, kishte karakter parapërgatitur për të ndërtuar edhe vlerat e shërbimeve që do ofronin. Unë merrja përsipër fushatat e komunikimit mediatik për shkak të specifikës nga ish-profesioni si gazetar”, tha Henri Çili.
Ai mohoi çdo akuzë të ngritur ndaj tij dhe tha se do kërkonte pafajësi së bashku me dëmshpërblim. /tesheshi.com/
