Helikopteri francez EC 145 që u rrëzua sot në Liqenin e Shkodrës dhe shkaktoi vdekjen e 2 pilotëve, nuk ishte i vetmi incident i ngarkesës prej 5 helikopterëve që u blenë nga qeveria shqiptare prej kompanisë franceze Eurocopter, pjesë e konsorciumit Airbus në vitin 2009.
Helikopteri i parë i ngarkesës së miratuar në kontratë nga Franca dhe Shqipëria u rrëzua në Aplet franceze pikërisht një ditë para se të vinte në Shqipëri.
Në korrikun e vitit 2012, helikopteri i tipit “Cougar” pësoi një incident të rëndë ku gjeten vdekjen gjashtë anëtarë të ekuipazhit, të gjithë francezë.
Helikopteri ishte në një test të fundit fluturimi, dhe në bord ndodheshin 6 pilotë dhe teknikë të komanisë franceze “Eurocopter”, dhe prapa tij ishte dhe një helikopter tjetër.
Kontrata e blerjes së helikopterëve francezë nisi një një operacion lobimi pikërisht në vitin 2009, kohë kur Sali Berisha, atëherë kryeministër i Shqipërisë, siguroi një vizitë në Francë dhe ku u takua me Presidentin e atëhershëm të atij vendi, Nicolas Sarkozy.
Ishte koha pas zgjedhjeve problematike të qershorit 2009 kur opozita kërkoi hapjen e kutive.
Ndërkaq, Berisha i kishte shitur çekëve kompaninë shtetërore të shpërndarjes së energjisë elektrike, për të siguruar dorëzimin e Marrëveshjes së Stabilizim Asocimit, me shpresën për të marrë statusin e vendit kandidat.
Berisha shpresoi se me një lobim në një vend të madh të Europës do të arrijë të sigurojë shtysën e duhur për të marrë vendimin pozitiv nga krerët e shteteve anëtare të Bashkimit Europian.
Si “shkes” u përdor Joseph Daul, kreu i grupit të Partive Popullore në Parlamentin Europian.
Por Franca nuk e dha asnjëherë votën e saj “pro”.
Madje dy vjet më pas, Sarkozy u shpreh shumë ashpër pas ngjarjeve të 21 janarit 2011, ku në një konferencë shtypi deklaroi se “një qeveri nuk mund të vrasë qytetarët e vet”.
Kontrata e blerjes së helikopterëve francezë u bë me përzgjedhje pas një kërkese dyfishe nga italianët dhe amerikanët.
Roma dërgoi një njeri të Berlusconit për të bindur Berishën që të blejë helikopterët e famshëm: Augusta. Ndërkohë, amerikanët i kërkon që të blejë prodhime të Loched Martin, ndërsa Berisha zgjodhi Eurocopter dhe pagoi nga buxheti i shtetit plot 58 milionë euro. Por nuk qe e thënë që gjërat të shkonin vaj.
Që kur kanë ardhur, këto helikopterë kanë pasur vështirësi, sidomos me përshtatjen e stafit shqiptar, pasi kanë një sistem të sofistikuar funksionimi.
Qeveria e kaluar e ndryshoi dy herë kontratën pasi në fillim ishte caktuar se do të blihej një helikopter VIP për personalitetet dhe një mjeksor. Por më pas u vendos që këto të dy të zëvendësohen me helikopterë të tipit EC 145 si ai që u rrëzua sot.
Përgatiti: Ylli Pata – /tesheshi.com/
