Jo drejtpërdrejt, por tërthorazi, presidenti Thaçi i ka kërkuar ish-bashkëluftëtarit të tij, Azem Sula, që të dorëzohet në polici. Kjo, në kuadër të një superaksioni anti-krim të nisur nga policia e Kosovës dhe EULEX-i, ku në listë është dhe deputeti Syla, një ish-kuadër i lartë UÇK-je. Dhe mesazhi i Thaçit, me nota të forta luajaliteti ndaj ndërkombëtarëve, mund të lexohet dhe si thirrje që Syla të dorëzohet.
Përmes një shkrimi në Facebook Thaçi thekson se e përshëndet aksionin policor të ditës së sotme.
Postimi:
“E përshëndes dhe mbështes fuqishëm aksionin e organeve kombëtare dhe ndërkombëtare të rendit dhe ligjit.
Lufta kundër korrupsionit dhe krimit të organizuar është çelësi i ndërtimit të shtetit demokratik e të drejtë, çelësi i së ardhmes sonë europiane.
Pres nga të gjithë ata që janë të përfshirë në rastet gjyqësore t’i ofrojnë bashkëpunim të plotë policisë dhe prokurorisë. HTH”
/tesheshi.com/
