Nga Shkëlzen Rrecaj
Ndonëse i cilësuar si tempull i dijës Universiteti i Prishtinës që nga paslufta është udhëhequr nga njerëz të politikës. Përderisa UP-ja është shfrytëzuar si bazë për lansimin në politikë të shumë politikanëve aktual, edhe politika në këmbim, e ka shfrytëzuar universitetin për t’u veshur nën petkun e akademikut, duke tentuar që të përfitojë kredibilitet në sy të opinionit. Sot, të jesh staf akademik në UP, duhet medoemos të jesh argat i politikës dhe të zhvishesh nga çdo atribut akademik dhe profesional.
Këtë e dëshmon edhe historia udhëheqëse e UP-së, të gjitha emërimet për ta drejtuar UP-në kanë qenë politike ku partitë politike e kanë shfrytëzuar mirë jo vetëm në zgjedhjen e rektoratit por edhe prorektorët, dekanët duke i emëruar në këto vende militantët e vetë duke i larguar nga loja akademikët intelektualet e mirëfilltë.
Listës i prin ministri i tanishëm Arsim Bajrami që vjen nga PDK-ja ku ka pasur poste të larta në këtë parti, i cili në vitet 2001-2005 ka qenë prorektor ndërsa në 2004-2005 është zgjedhur rektor i UP-sëAi u pasua nga Enver Hasani i njohur me nofkën “baba” njeri i afërt me PDK-në, i cili drejtoj UP-në në vitet 2006-2009 që ballafaqua me shumë probleme e akuza. Ai u akuzua për falsifikim të kontratës për përkthimin e librave nga gjuha angleze në gjuhën shqipe.
Mujë Rugova ishte pasues i Enver Hasanit, si rektor i Universitetit të Prishtinës, edhe ky erdhi nga radhët e PDK-së, i cili u ballafaqua me shumë probleme pati edhe protesta edhe sulme simbolike ndaj tij nga student të Lëvizjes Vetëvendosje.
Ish- rektori Rugova ishte ngjyrosur me ngjyrë të kuqe nga organizata studentore “Studim Kritikë Veprim” e Lëvizjes Vetëvendosje.
Po ashtu edhe pasuesi i Mujë Rugovës, Ibrahim Gashi erdhi nga politika nga partia e Pacollit AKR-ja, që ishte zëvendësministër i Punëve të Jashtme. Ai drejtimin e UP-së e mori në vitin 2012 por që nuk i shkoi deri në fund mandatit. Pas skandalit ku ai kishte publikuar tri punime, që thuhej se ishin shkencore, në një revistë të rreme në Indi. Pas kësaj shpërthyen protesta të shumta për ta shkarkuar në vitin 2014. Gashi u detyrua të jap dorëheqje nga ky post.
Shpresa për ta ngritur cilësinë e UP-së dhe për t’i larguar duart e politikës nga ky tempull i dijës ishte Ramadan Zejnullahu i cili për një muaj ishte top temë për ta shkarkuar dhe atë e arritën po njerëz të politikës të cilët dy që ishin më aktiv Bujar Dugolli dhe Et’hem Çeku që të dy ishin ministra dhe anëtar të Aleancës për Ardhmërinë e Kosovës./tesheshi.com/
