Stuhia tropikale Harvey theu rekordin e rreshjeve të shiut në pjesën kontinentale të SHBA-ve, në Pearland, Teksas, me 1250 milimetra shi, bëri të ditur Shërbimi Kombëtar Amerikan i Motit (NWS).
”Kjo sasi shiu ra për 58 orë, që nga e premtja, kur Harvey preku tokën si uragan i kategorisë IV”, tha NWS-ja.
Ndërkohë, presidenti amerikan Donald Trump dhe bashkëshortja e tij Melani, kanë mbërritur në Teksas për të takuar përfaqësuesit e organizatave bamirëse dhe për të qenë tw pranishëm në operacionet e emergjencës.
Rekordi i mëparshëm ishte 1220 milimetra shi nga uragani ”Amelia” që goditi në korrik të 1978-ës sërish Teksasin. /tesheshi.com/
