Ditët e fundit, hartat e bëra nga përdoruesi i Facebook dhe Instagram, Alex Bokoch, janë transmetuar në rrjetet sociale me shpejtësi të madhe ku ai ka vënë në dukje madhësinë e territorit që Rusia ka pushtuar në Ukrainë që nga viti 2014.
“Për miqtë e mi europianë! Mbani parasysh vetëm këtë pjesë të Ukrainës që Rusia ka pushtuar kur dëgjoni deklaratat e politikanëve tuaj”, shkroi ai dhe shpërndau disa harta të vendeve evropiane.
Sipas llogaritjeve, Rusia ka pushtuar 123,229 kilometra katrorë tokë në Ukrainë që nga viti 2014, që është afërsisht një e pesta e të gjithë Ukrainës.
Një nga hartat tregon se kjo zonë është e barabartë me një pjesë të mirë të Ballkanit Perëndimor, pra me zonën e Bosnjës, Malit të Zi, Kroacisë dhe Sllovenisë.
Hartat e tjera tregojnë sipërfaqen totale të Austrisë dhe Zvicrës, pra të Republikës Çeke dhe Sllovakisë, dhe që është një “copë” e Francës, Gjermanisë apo Italisë.
Bokoch nuk specifikoi burimin e të dhënave që përdori për të krijuar hartën.
Harta të ndryshme të fushatave ruse në Ukrainë u publikuan nga mediat ukrainase dhe ruse, si dhe nga Instituti për Studime të Luftës dhe inteligjenca britanike.
Krijuesi i hartave arriti në të dhënat e tij duke vizatuar vija kufitare në Google Maps. /tesheshi.com/
