Ka shumë arsye se përse ne duhet të konsumojmë brokolin. Jo më kot është pjesë e perimeve me më shumë vlera ushqyese, pasi përmban shumë vitamina, minerale dhe vlera të tjera të nevojshme për organizmin.
Por a e dini që edhe gjethet e brokolit kanë shumë vlera? Studiuesit tregojnë se gjethet e brokolit mund të konkurrojnë për nga vlerat që kanë edhe lakrën, aq sa shtrohet pyetja: A janë gjethet e brokolit lakra më e re?
Sipas studiuesve, statistikat tregojnë se gjethet e brokolit nuk janë aq të ushqyeshme sa lakra. Kjo e fundit përmban shumë kalcium, potasium, hekur dhe disa proteina të tjera. Megjithatë, gjethet e brokolit janë kampinionë për vitaminën A. Ne e dimë sesa e rëndësishme është vitamina A për trupin tonë dhe funksionet që kryen.
Vetëm një pjesë e gjethes së brokolit përmban një sasi të konsiderueshme vitamine, e cila është e barabartë me 90% të sasisë së rekomanduar për konsumimin gjatë një dite. Kështu që nëse mjeku ju rekomandon që keni nevojë për më shumë vitaminë A në dietën tuaj, gjethet e brokolit janë zgjidhja e duhur.
Gjethet e brokolit kanë shije të njëjtë me vetë brokolin. Rrjeti i ushqimit rekomandon që t’i përdorni sa më shumë gjethet e brokolit./tesheshi.com/
