Aleksandër Vuçiç ka kaluar në kundërofensivë ndaj Tiranës zyrtare dhe të gjithë Perëndimit, ndërkohë që ka deklaruar se do të bisedojë me ministrin e Jashtëm rus, Segej Lavrov pas lirimit të Ramush Haradinajt.
Vuçiç deklaroi se shërbimi sekret serb ka gati të gjithë dosjen kundër atyre që i quajti “ushtarë të Shqipërisë së Madhe”.
“Unë nuk do të heqë dorë nga ndjekja e kriminelëve”, tha Vuçiç i cili ka shpërthyer ndaj Edi Ramës.
“Komuniteti ndërkombëtar le të merret me shqiptarët, që flasin vazhdimisht për Shqipërinë e Madhe. Shërbimet sekret kanë të dhëna mbi njerëzit që po punojnë për Shqipërinë e Madhe”.
Ai shtoi se ajo është sot planifikuar një takim me ministrin e Jashtëm rus Sergei Lavrov dhe disa ambasadorë nuk i janë përgjigjur thirrjes ndoshta për shkak se “ata nuk kanë kohë.”
Vuçiç pas mbledhjes së qeverisë i ka dërguar një protestë zyrtare Francës duke e cilësuar lirimin e Ramush Haradinajn si “skandaloz dhe të turpshëm”.
Vuçiç tha se vendimi i Gjykatës nuk kuptohet as nga një person normal, sepse nuk ka asnjë shpjegim se pse nuk është pranuar kërkesa e Serbisë për ekstradimin e Ramush Haradinajt.
“Qeveria konsideron se vendimi është i turpshëm, skandaloz, të paligjshëm dhe absolutisht e padrejtë, por mbi të gjitha politik”, tha Vuçiç në një konferencë shtypi, pas një mbledhje të jashtëzakonshme të qeverisë dedikuar vendimit të gjykatës franceze. ”Serbia ka dorëzuar dokumentacionin në përputhje me kërkesën.
Ata këmbëngulën se nuk ka fakte të reja, duke marrë përsipër vendimet e Gjykatës së Hagës.
Në vendim thuhet se ekstradimi mund të ketë pasoja shumë të rënda për Haradinajn.
Pra, ne duhet tí japim çokollata dhe ëmbëlsira për krimet që ai ka bërë”, theksoi Vuçiç.
Ai tha se provat kanë qenë të forta po nuk u morën parasysh.
Ambasadori i Serbisë në Francë do të ftohet për konsultime, dhe sot do të dorëzohet një notë proteste në Paris.
“Kjo ka të bëjë me respektin për Serbinë”, ka thënë Vuçiç, që shtoi se nuk ishte një fitore e madhe, por një fitore e kriminelëve shqiptarë. /tesheshi.com/
