Haradinaj s’i tutet padisë së Ramës: ai e Vlora Çitaku, pro ndryshimit të kufijve

Kryeministri i dorëhequr e në ikje i Kosovës, Ramush Haradinaj, ka vijuar sërish me akuza ndaj të parit të qeverisë shqiptare, sipas tij, si përkrahës i tezës së ndryshimit të kufijve. Kujtojmë që Rama e ka hedhur Haradinajn në gjyq mbi një akuzë të këtij të fundit edhe mbi ndarje milionash mes Vuçiçt, Thaçit e Ramës, sapo ai – ndryshimi i kufijve të bëhej realitet – gjë e cila nuk ia ka frenuar gjuhën atij. Risi ka qenë, futja në listë dhe e Vlora Çitakut.

“Plot zyrtarë të Kosovës që janë rreshtuar pro ndarjes së Kosovës kanë bërë gabim të madh, të gjithë ata që kanë qenë pjesë e saj. Qoftë Hashim Thaçi, Vlora Çitaku, kryeministri Edi Rama dhe presidenti i Serbisë, Aleksandar Vuçiç”, tha Haradinaj, pasi bëri homazhe te shtatorja e Zahir Pajazitit në qendër të Prishtinës.

“Ky gabim nuk ua ndalon atyre që në situata tjera me i shërby vendit, por është e vërtetë se kanë qenë pjesë e kampanjës për ndarjen e Kosovës në shkëmbim të territoreve. Vlora, presidenti të gjithë kanë përkrahur këtë”, tha njeriu që në zgjedhjet e fundit pësoi një humbje e cila largoi nga pushteti.

Por ndërkohë, në asnjë rast, Rama apo Çitaku nuk janë shprehur publikisht pro-ndryshimit të kufijve, ndryshe nga Vuçiç e Thaçi që e kanë hedhu në publik si tezë korrigjimi kufijsh. /tesheshi.com/