Teksa kanë nisur ethet e fushatës së pritshme elektorale në Kosovë, krerët politikë po shtojnë dozat e protagonizmit, ku pikë e ndjeshme mbetet Serbia.
Kështu, kryeministri në largim Haradinaj, njeriu që kartën më të fortë të qeverisjes së tij pasi taksën 100 përqind ndaj mallrave serbë, për të cilën nuk u dorëzua as para presionit ndërkombëtar, është përbetuar ta vijojë betejën e tij me Beogradin, duke dhënë të kuptuar se synon ta qeverisë sërish Kosovën dhe pas zgjedhjeve.
Ai ka përcjellë një mesazh në FB, ku ndër të tjera e quan udhëheqjen e Beogradit si “mbetje të Millosheviçi”.
“Mbetjet e Millosheviqit nuk po ndalen! As unë nuk do te ndalem që ta mbajë Serbinë jashtë Kosovës. Fuqizuam shtetin tonë me ushtri dhe përmes tarifave kemi mbrojtur tregun tonë. Kosova është shtet sovran në tërë territorin e saj dhe Serbia nuk do të ketë kurrë më punë këtu”, shkroi Haradinaj.
Ende nuk dihet se me kë do garojë në koalicion AAK-ja e tij, ndërkohë që dy partnerët në qeverisje nga koalicion PAN, Veseli e Limaj, kanë shprehur gjithashtu ambicien për postin e lartë të kryeministrit. /tesheshi.com/
