Kryeministri Ramush Haradinaj ka dhënë një lajm tejet shpresëdhënës për qytetarët e Kosovës. Ai ka deklaruar sot se Gjermania i ka thënë “Po” liberalizimit, dhe atë në afat të menjëhershëm.
“Në oborr na ka pritur ministri i brendshëm gjerman. Rrugës për në takim më ka konfirmuar se Gjermania ka qëndrim që të bëhet liberalizimi i vizave për Kosovën, dhe atë menjëherë”.
Kjo është një ‘Po’ në emër të personit në detyrë që përfaqëson qeverinë gjermane dhe kancelaren Merkel. Kur më ka thënë sekretari Matis se “po, ushtria do të bëhet”, ashtu ka dalur. Tani që Gjermania më ka thënë ‘Po’ për liberalizimin, ashtu do të del, andaj urime.
Ka pas plot njerëz që i kanë vënë pikëpyetje përkrahjes gjermane, por tani kemi qëndrim zyrtar. Po ua përsëris, më kanë thënë PO menjëherë, për liberalizimin”, ka thënë Haradinaj para gazetarëve. /tesheshi.com/
