Kryeministri Haradinaj nuk është penduar aspak nga sjellja e tij jo etike ndaj mbesës së ish-patriotit Mehmet pashë Derralla, një grua në moshë, të cilën e largoi forcërisht nga folësja në ceremoninë e 140-vjetorit të Lidhjes së Prizrenit.
“Ngjarja e djeshme është protokoll shtetëror. Në atë ngjarje e thërrasim veten edhe shtetet tjera. Është e papranueshme një i paftuar të flasë. Aty kenë dy zgjidhje: Ja policia, ja unë. Zot shpie kam qenë”, tha Haradinaj në stilin e tij, duke iu përmbajtur të drejtës zyrtare për ta larguar gruan në atë lloj forme, edhe pse po masakrohet në rrjete nga gjesti i tij me nuanca harbute.
Pos kësaj, ai e ka rënduar akoma dhe më tepër gjuhën, duke thënë se: “Nëse ish kon burrë, e kisha kry edhe ma ndryshe. Qaty ku qëlloj unë nuk shkelet shteti”.
Haradinaj ka shkuar dhe më tej në arsyetimet e veta, duke e krahasuar rastin e zonjës, me atë të Marko Gjuriçit.
“Na e kemi arrestu Gjuriçin atje me tregu që jemi shtet, na e kem ndalë Frashër Osekun para grus e fëmijve, e na po e lojmë një grua qaty me na torturu një popull, edhe me thanë i hijshëm i pahijshëm. Pahijshëm kom me e bo”, deklaroi Haradinaj. /tesheshi.com/
