Kryeministri, Ramush Haradinaj më në fund ka rreth çështjes së pagës duke u munduar ta arsyeton rritjen prej 100 %. Ai thotë se është e pakuptimtë që kryeministri të ketë rrogën 1300 euro duke marrë parasysh përgjegjësinë politike që ka.
“Unë e kam rrit rrogën time vetë, e kam rrit pagën e kolegëve të mi po iu them diçka ua keni besuar këtyre njerëzve 2 milionë euro me i menaxhuar është e pakuptim përgjegjësia politike e para, përgjegjësia edhe financiare e një kryeministër me pas rrogën 1300 euro, ose vjedh, ose është i pasinqertë i mashtron popullin e vet. Unë po mendoj me punu, po mendoj me i shërbye vendit tim, iu kom dedikuar edhe i ftoj kolegët e mi të Qeverisë që vërtet ta respektojnë përgjegjësinë që na e kanë dhanë populli. Tani ata që mendojnë që kam gabuar që e kam bërë shpejt a ku di unë edhe ata kanë të drejtë nuk është një vendim i përkryer por sipas bindjes sime është një tregues se dojmë me punu në këtë vend edhe atë në mënyrë më transparente që i takon”, ka deklaruar Haradinaj gjatë takimit që pati me gazetarët dhe përfaqësuesit e shoqërive civile me rastin e festave të fund vitit.
Kjo deklaratë e Haradinajt nënkupton se kryeministrat paraprak, Thaçi dhe Mustafa të cilët janë paguar 1300 euro kanë vjedhur dhe kanë mashtruar popullin.
