Një gjykatëse e New Mexico-s hodhi poshtë akuzat për vrasje nga pakujdesia kundër aktorit Alec Baldwin të premten, duke rënë dakord me mbrojtjen që prokurorët dhe policia mbuluan provat në lidhje me burimin e plumbit që vrau kameramanen Halyna Hutchins, në xhirimet në vitin 2021 të filmit “Rust”.
Tre ditë pas gjyqit të Baldwin në New Mexico, gjykatësja Mary Marlowe Sommer vendosi pasi dëgjoi provat mbi një mocion mbrojtës të bërë më herët të premten.
https://x.com/i/status/1811905611212206255
Baldwin shpërtheu në lot pas vendimit dhe përqafoi dhe puthi gruan e tij Hilaria Baldëin, e cila ishte në gjyq. Edhe motra e tij Elizabeth Keuchler gjithashtu u përlot. Baldwin më pas u largua nga salla e gjyqit pa folur me gazetarët, raporton Reuters.
Ekipi ligjor i aktorit tha se Zyra e Sherifit të Santa Fe i mori plumbat si prova në këtë rast, por nuk i renditi ato në dosjen hetimore “Rust” dhe as nuk i zbuloi ekzistencën e tyre mbrojtjes.
Ata gjithashtu pohuan se plumbat ishin provë se plumbi që vrau Hutchins erdhi nga Seth Kenney, një furnizues logjistik për filmin. Kenney ka mohuar të ketë furnizuar me municion të vërtetë dhe nuk është akuzuar për këtë rast.
“Mbajtja e provave ishte e qëllimshme dhe e paramenduar,” tha Sommer duke shpjeguar vendimin e saj. Erlinda Johnson, një nga prokuroret e shtetit në këtë rast, dha dorëheqjen më herët të premten.
“Unë nuk kam ndërmend të mashtroj gjykatën,” tha Kryeprokurorja e Shtetit Kari Morrissey kur u thirr për të dëshmuar.
Prokurorët argumentuan se Baldwin luajti një rol në vdekjen e Halyne Hutchins sepse ai e trajtoi armën në mënyrë të papërgjegjshme.
Avokatët e tij argumentuan se Baldwin u gënjye nga zyrtarët e sigurisë në shesh, ndërsa zbatimi i ligjit ishte më i interesuar për të ndjekur penalisht Baldwin sesa për të gjetur burimin e plumbit të vërtetë që vrau Hutchins.
Kështu, Baldwin, ndër aktorët e njohur amerikanë, luajti dhe një film jete, një thriller real, duke u dhënë një dimension ironie therrëse të qënit aktor në këtë rast. /tesheshi.com/
