Gruaja në krye të diplomacisë europiane, Federica Mogherini, do të jetë më 17 prill në Tiranë. Së bashku me të, edhe edhe kreu i Këshillit Europian, Donald Tusk.
Mogherinit pritet t’i dorëzojë personalisht qeverisë raportin e Komisionit Evropian mbi hapjen e negociatave, një moment të cilin qeveria “Rama” e pret me padurim në këtë stinë jo fort miqësore ndaj tij në politikën e brendshme.
Por vizita e Mogherinit është dhe në një kuadër rajonal, pasi zyrtarja e lartë e BE-së do të vizitojë edhe Maqedoninë, Malin e Zi dhe Serbinë. Para këtij turi ajo përcolli një mesazh për të gjithë vendet aspirante.
“Ballkani Perëndimor është Europë dhe do të jetë e ardhmja e Bashkimit Europian, për një Bashkim të fortë, të qëndrueshëm. Kjo është çështje e ndarjes së interesit dhe të përgjegjësisë së vendeve të këtij rajoni për të mirën e qytetarëve tanë. Ky është momenti për të sjellë ndryshime pozitive për të bërë përparim të pakthyeshëm dhe transformues drejt BE-së”, tha znj. Mogherini. /tesheshi.com/
