Është rihapur një nga misteret më të mëdha të historisë së shekullit XX: Adolf Hitler ka vdekur me të vërtetë në vitin 1945? Apo, siç sugjerojnë disa teza, gjërat nuk kanë shkuar siç shkruhet në librat e historisë? History Channel ka realizuar një seri dokumentaresh në lidhje me fundin e hamendësuar dhe të shumëprfolur të Hitlerit. Një ekip shumë i veçantë kërkuesish, të drejtuar nga një emër shumë i njohur i CIA-s, Robert Baer, kanë analizuar disa dokumente shumë sekrete, gjurmë, dëshmi, për t’i dhënë përgjigje pyetjes.
Fillimisht hetimi u bazua në dokumente të bëra publike nga FBI-ja vitin e shkuar, në të cilat regjistrohen dhjetëra sinjalizime në lidhje me arratisjen e Hitlerit nga viti 1945 në vitin 1950. Baaer i ka analizuar nëpërmjet programeve informatike të përdorura nga CIA për të përgjuar terroristët, duke kaluar tek informacionet e mbledhura nga historianët dhe nga databaza e marrjes në pyetje nga aleatët, për të krijuar një hartë të vendeve të mundshme ku ai mund të ishte fshehur. Më pas rezultatet janë verifikuar në terren.
Hapi i parë ishte ai i kuptimit se si Furheri kishte arritur të linte bunkerin pa u vënë re. Në Berlin kishte qindra kilometra nënkalime poshtë tokës. Në vitin 1999 këto nënkalime janë studiuar dhe eksploruar nga një grup speleologësh. Aeroporti i Tempelhof ishte baza e vetme naziste e kursyer nga sulmet e aleatëve dhe nga avancimi i rusëve. Në këtë bazë ndodheshin avionë të vegjël fluturues, të cilët mund të arrinin në Spanjë brenda një kohe shumë të shkurtër.
Më 21 prill 1945 u ngritën nga ky aeroport disa prej këtyre avionëve, të cilët transferuan disa prej zyrtarëve të lartë të shtetit në Bavari, për të mbrojtur Rajhun. Në disa prej këtyre avionëve u ngarkuan edhe ‘sendet e pasuritë personale të Hitlerit”. Sipas burimeve zyrtare, avioni i fundit ka fluturuar më 23 prill ndërsa të tjerët u sekuestruan nga rusët një ditë më pas. Mirëpo, deri më sot nuk është gjetur asnjë lidhje mes banesës së fundit të gjeneralit të Hitlerit dhe pikës së zbritjes së avionit. Të gjithë të mbijetuarit e shoqëruesit të Hitlerit kanë mohuar ekzistencën e një rrugë të drejtpërdrejtë në Tempelhof. Gjithsesi, duke përdorur një gjeo-radar, ekipi i History Channel ka zbuluar një tunel që lidh aeroportin me stacionin e metrosë. Ky tunel ka qenë i bllokuar prej vitit 1945 ndërsa tani pritet autorizimi për marrjen e lejes për eksplorimin e zonës.
Nëse gjërat kanë shkuar me të vërtetë kështu, si ka arritur të arratiset dhe në cilin vend ka ndaluar ai për herë të fundit? Analiza e dokumenteve të FBI-së e përjashton mundësinë që Fyrheri të ketë shkuar në Amerikën e Jugut. Pista e FBI-së të çon për në Spanjën e Frankos, një mik shumë i ngushtë i nazistit. Nga Spanja udhëtimi mund të ketë vijuar për në ishujt Kanarie, ku ndodhet edhe porti i fundit që i bëri rezistencë dorëzimit tek aleatët.
Të dhënat mbi vendndodhjen e Hitlerit pas vitit 1945 shumëfishohen në vendet e Amerikës Latine. Analiza e të dhënave dhe dokumenteve e kanë çuar ekipin kërkues në një qytezë shumë të izoluar. Në një fermë në Charata. Ky vend ndodhet me qindra kilometra larg fermave të tjera. Në këtë vend ka pasur një koloni gjermane, e cila në vitet ’40 i regjistronte fëmijët në lokalitetin Hitlerjugend. Dosjet e FBI-së tregojnë edhe për një shpellë në Misiones në kufi mes tre shteteve: Argjentinës, Brazilit dhe Paraguajit. Në Misiones një ekspeditë arkeologjike është duke eksploruar mbetjet e tre ndërtesave të viteve ’40 në zemër të xhunglës. Mes këtyre ndërtesave janë gjetur sende të shumta që të bëjnë të dyshosh se në të ka qëndruar për një kohë të gjatë Fyrheri, ndërsa e murosur është dalluar edhe një kuti biskotash.
Brenda një ene janë gjetur monedha të Rajhut të Tretë si dhe fotografi. Në njërën prej tyre tregohet takimi i parë mes Benito Musolinit dhe Hitlerit, në Venedik në vitin 1934: e vetmja foto në të cilin Kancelari është në rroba civile. Të dhëna, rikonstruksione dhe raportet bindëse janë gjetur e vërtetuar, por ende nuk mund të thuhet me siguri absolute nëse Hitleri ka vdekur me të vërtetë në vitin 1945 apo më pas./tesheshi.com/
Përgatiti: Alba Skëndaj
