Hamburgu fitoi Telekom Cup 2015 me kampionët e Bundesligës, Bajernin që nuk fitoi asnjë ndeshje. Takimet në këtë turne janë padyshim ndryshe nga ato me tw cilat janë mësuar djemtë e Guardiolës pasi me katër skuadra pjesëmarrëse një ndeshje zgjat vetëm 45 minuta dhe luhen në fillim dy gjysmëfinalet e më pas finalja.
Në ndeshjet e tij të parë të sezonit Bajerni u mposht 2-1 nga Augsburgu, në një takim ku Douglas Costa spikati në debutimin e tij duke i dhënë asistin e golit të parë të takimit Thiago Alcantaras në minutën e 7-të. Gjithsesi golat e Alexander Esswein dhe Jeong-Ho Hong i dhanë fitoren e takimit Augsburgut që fitoi biletën e finales, ku u përball me Hamburgun që avancoi pasi mposhti Borussia Mynchengladbach me penallti në gjysmëfinalen tjetër.
Gjithsesi Gladbach pati dicka për të festuar në takimin e dytë duke fituar ndaj Bajernit me penallti . Pas barazimit pa gola në 45 minutat e lojës së rregullt, Pierre-Emile Hojbjerg dhe Fabian Benko gabuan nga pika e bardhë për Bayernin dhe Gladbahu fitoi 4-3.
Në finale, Hamburgu që i shpëtoi rënies historike nga Bundesliga vetëm në play off muajin e kaluar fitoi 2-1 ndaj Augsburgut. Mohamed Gouaida dhe Ivica Olic kaluan Hamburgun në avantazh duke e bërë të pavlefshëm golin që shënoi Tim Matavz për Augsburgun. /tesheshi/
