Një nga bordellot më të mëdha në Evropë – Pascha në Këln – deklaroi falimentimin, pasi u prek ndjeshëm nga masat kundër epidemisë së koronavirusit.
Pascha, një shtëpi publike me dhjetë kate, është një nga simbolet e qytetit të njohur gjerman.
“Ne kemi arritur në fund,” i tha medias drejtori i saj Armin Lobscheid.
Prostitucioni është ndaluar në Nordrhein-Westfalen që nga shpërthimi i epidemisë së koronavirusit.
120 prostituta punojnë në Pascha, ku ka rreth 60 punonjës, përfshirë kuzhinierë dhe parukiere.
Pronari i kësaj bordelloje kritikoi mënyrën se si qeveria gjermane po luftonte pandeminë, ku theksoi nevojën për të qenë më të qartë me udhëzimet kur biznesi mund të fillojë përsëri.
Ai thotë se zyrtarët u kanë thënë çdo dy javë se nuk do të jenë në gjendje të hapen.
“Ne nuk mund të planifikojmë diçka të tillë. Ndoshta mund të shmangim falimentimin me ndihmën e bankave, nëse do t’u premtonim atyre se biznesi do të fillojë në fillim të vitit të ardhshëm,” tha ai.
Brenga disa organizatave po rritet pas shqetësimit se mbyllja e bordellove ligjore mund të vërë punonjësit e seksit në rrezik më të madh sepse ata do të detyrohen të punojnë në rrugë. /tesheshi.com/
