Të gjithë krerët e Drejtorisë së Policisë në Elbasan, janë pushuar nga puna. Kjo është bërë me dijë së fundi nga vetë kryepolici shqiptar, Haki Çako, i cili ka sqaruar se masa e ashpër vjen pas ngjarjeve të fundit në këtë qytet, referuar rastit kur nja audi i Çelajve – fisi në konflikt më Çapjat, përplasi automjetin e zëvëndësdrejtorit të policisë në këtë qytet dhe pas u largua qetësisht.
“Gjatë një kontrolli rutinë efektivët e policisë u ndeshën me disa individë. Efektivët nuk ishin në lartësinë e duhur dhe pamjet filmike që tregonin sulmin ndaj efektivëve ishte shokuese. Kjo ngjarje ishte shokuese edhe për imazhin e policisë së shtetit. Ngjarja në fjalë tregon për një punë të dobët të kryer nga kjo drejtori në luftimin e grupeve kriminale. Ndaj është bërë shkarkimi i drejtorit të policisë Elbasanit, shkarkimi i nëndrejtorit, shkarkimi i shefit të sektorit krimeve të rënda, të shefit të rendit dhe të disa drejtuesve të komisariateve. Drejtoria e Elbasanit do t’i nënshtrohet ristrukturimit”, tha Çako.
Ai paralajmëroi se e njëjta masë i pret dhe të tjerë krerë policie, ku potencoi Lushnjën, aty ku së fundi u rishfaqën përplasjet e hershme të bandave, me pasojë dy të vdekur. /tesheshi.com/
